“İstehlakçılara tədricən elektrik enerjisi təchizatı mümkün qədər tez başlayıb"
Böyük bir kəsintidən sonra Gürcüstanda elektrik enerjisi tam bərpa olunub. AYNA.AZ gürcü mediasına istinadən xəbər verir ki, bu barədə Gürcüstan Dövlət Elektrik Sisteminin açıqlamasında qeyd edilib.
"Ölkə üzrə elektrik təchizatı tam bərpa olunub. Kəsinti aşkar edildikdən dərhal sonra Gürcüstan Dövlət Elektrik Sistemi elektrik şəbəkəsini bərpa etməyə başlayıb. İntensiv və əlaqələndirilmiş səylər nəticəsində istehlakçılara tədricən elektrik enerjisi təchizatı mümkün qədər tez başlayıb", - deyə açıqlamada bildirilib.
Şirkət kəsinti səbəbini araşdırır və ictimaiyyəti məlumatlandıracağına söz verib.
Qeyd edək ki, 24 iyul gecəsi Gürcüstanda böyük bir elektrik kəsintisi baş verib. Paytaxt Tiflisdə elektrik kəsilib. Sosial mediada ictimai kanallar Ozurqeti, Poti və Rustavi şəhərlərində kəsintilər barədə məlumat verib. Su nasosları işləməyib və Tiflisin bəzi ərazilərində su təchizatı kəsilib.