Ağ Ev görüşü təsdiqləyib
Ağ Ev ABŞ Prezidenti Donald Trampın ukraynalı həmkarı Volodimir Zelenski ilə görüşəcəyini təsdiqləyib. AYNA.AZ xəbər verir ki, bu barədə “Reuters” Ağ Ev rəsmisinə istinadən məlumat yayıb.
ABŞ administrasiyasının rəsmisinin sözlərinə görə, görüş 28 iyul çərşənbə axşamı tarixinə planlaşdırılıb.
“Reuters”in Ukrayna dairələrindəki mənbəsi bildirib ki, Zelenski ABŞ-a səfər etməkdə maraqlıdır, lakin onun komandası Trampın cədvəlinin Ağ Evdən rəsmi təsdiqini gözləyir.
Mənbənin məlumatına görə, Ukrayna və ABŞ rəsmiləri yeni sülh təklifləri mərhələsinin bir hissəsi olaraq Rusiya rəsmilərinə təqdim edilməsi planlaşdırılan hava atəşkəsi təklifini müzakirə ediblər.
Xatırladaq ki, Zelenski və Tramp arasındakı danışıqlar Ukraynaya davamlı dəstək, Rusiya-Ukrayna müharibəsinin həlli, təhlükəsizlik və ikitərəfli əməkdaşlığın digər aktual məsələlərini əhatə edə bilər.