ABŞ Çinə qarşı sanksiyaları genişləndirib
ABŞ Ticarət Nazirliyi Çinin 35 texnologiya şirkətinə və Yaponiyada yerləşən başqa bir təşkilata ixrac məhdudiyyətləri tətbiq etmək qərarına gəlib.
Bu barədə AYNA TASS-a istinadən xəbər verir.
ABŞ Ticarət Nazirliyinin müvafiq qətnaməsi cümə axşamı Federal Reyestrin elektron məlumat bazasına (ABŞ hökumətinin sənədlər toplusu) daxil olub.
“ABŞ hökuməti bu təşkilatların addımlarının ABŞ-ın milli təhlükəsizliyi və xarici siyasətinin maraqlarına zidd olduğu qənaətinə gəlib”, - sənəddə deyilir.