Qəzanın səbəbi, hələlik məlum deyil
Avstraliyada meşə yanğınları ilə mübarizə aparan təyyarə qəzaya uğrayıb. AYNA xarici mətbuata istinadən xəbər verir ki, rəsmi açıqlamaya görə, “C-130 Hercules” təyyarəsi ilə ötən gün yerli vaxtla günorta saatlarında əlaqə itib.
Avstraliyanın Yeni Cənubi Uels (NSW) əyalətindəki qarlı dağlarda - Kanberradan cənubda baş verən qəzanın səbəbi, hələlik məlum deyil.
Yeni Cənubi Uels Yanğın Xidmətinin komissarı Şane Fitzsimmons təyyarənin havada olarkən tüstüləndiyinin təsdiqləyib.
Qəzada üç ABŞ sakininin vəfat etdiyi bildirilib.
Qeyd edək ki, Avstarliyadakı isti və küləkli hava şəraiti meşə yanğınlarını yenidən aktivləşdirib. 80-dən çox vilayətdə yanğınla mübarizə tədbirləri yenidən başlayıb.