“2021-ci ildən tez peyvənd olmayacaq”
Ümumdünya Səhiyyə Təşkilatı (ÜST) koronavirusa qarşı təsirli peyvəndin ancaq 2021-ci ildə istifadəyə verilə biləcəyini açıqlayıb. AYNA xarici mediaya istinadən bildirir ki, bu barədə qurumun Fövqəladə hallar şöbəsinin müdiri Mayk Rayan deyib.
Onun sözlərinə görə, peyvənd yaradılması prosesində irəliləyiş əldə olunub. Amma 2021-ci ilin əvvəllərinə qədər peyvəndin tətbiqinə başlanması gözlənilmir: “Real olmaq lazımdır. Ona görə də, insanların peyvənd olunduğunu gələn il görə biləcəyik”.