İranlı millət vəkili: “Onu öldürənə mükafat verəcəyik”
İran parlamentinin üzvü Əhməd Hamzeh ABŞ Prezidenti Donald Trampın başına pul mükafatı təyin edib. AYNA xarici KİV-ə istinadən xəbər verir ki, Hamzeh Trampın qatilinə 3 milyon dollar verəcəyini söyləyib.
İranın qeyri-rəsmi xəbər agentliyi İSNA-nın verdiyi məlumatda da məlumat öz əksini tapıb: “Kirman şəhərinin əhalisi adından Trampı öldürənə 3 milyon dollar mükafat verəcəyik”.
Lakin Hamzeh bu qərarı şəxsən özünün verdiyi, yaxud Tehran rəhbərliyindən aldığı barədə heç bir açıqlama verməyib.
Qeyd edək ki, Hamzehin bəhs etdiyi Kirman şəhəri, yanvarın 3-də ABŞ Prezidenti Donald Trampın göstərişi ilə öldürülən İran İnqilab Keşikçiləri Korpusunun generalı Qasım Süleymanın doğulduğu və dəfn edildiyi yerdir.