“Əldə olunmuş müsbət nailiyyətləri qorumalıyıq”
Vətəndaşlarımızdan götürülən analizlərin nəticələri onu göstərir ki, koronavirusa yoluxanların 20 faizini xaricdən gələn həmvətənlərimiz təşkil edir. AYNA xəbər verir ki, bunu Nazirlər Kabineti yanında Operativ Qərargahın birifinqində TƏBİB-in sədri Ramin Bayramlı deyib.
“Bu, kifayət qədər ciddi rəqəmdir. Biz xaricdə qalan vətəndaşlarımızı ölkəmizə gətirməyə davam edəcəyik. Lakin onların karantin müəssisələrində yerləşdirilməsi, tibbi və labarator müayinəsi davam etdiriləcək. Bu məsələdə ciddi olmalıyıq və vətəndaşlarımız da çox səbrlə ölkəmizi və ölkədə əldə olunmuş əks epidemik nailiyyətləri qorumalıdırlar”, - deyə Bayramlı bildirib.