Rusiya Xarici İşlər Nazirliyi İsrail və Livanı regionda sabitliyi pozacaq addımlardan əl çəkməyə çağırıb
Rusiya İsrail və Livandakı tərəfləri maksimum təmkinli olmağa çağırır. AYNA xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Biz Livan-İsrail sərhədində gərginliyin təhlükəli artması ilə bağlı dərin narahatlığımızı bildiririk. Biz iştirak edən bütün tərəfləri maksimum təmkinli olmağa və regionda sabitliyi pozmaq, onu ən dəhşətli nəticələrə səbəb olan genişmiqyaslı silahlı qarşıdurmaya sürükləmək təhlükəsi yaradan addımlardan çəkinməyə çağırırıq”, - diplomat qeyd edib.