Növbəti açıq məhkəmə prosesi 23 avqust, saat 11:30-da başlayacaq
Bakı Şəhər İcra Hakimiyyətinin (BŞİH) sabiq aparat rəhbəri Rasim Quliyevin növbəti məhkəmə prosesinin vaxtı məlum olub. AYNA-nın məlumatına görə, prosesə hakim Faiq Qəniyevin sədrliyi ilə Bakı Ağır Cinayətlər Məhkəməsində baxılır.
Növbəti açıq məhkəmə prosesi 23 avqust, saat 11:30-da başlayacaq.
Qeyd edək ki, R.Quliyev AR Baş Prokuroru yanında Korrupsiyaya qarşı Mübarizə Baş İdarəsi tərəfindən Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə) və 314-2.3-cü (qanunla müəyyən olunmuş qaydaları pozmaqla tikinti və ya quraşdırma işlərinin aparılmasına icazə vermə ağır nəticələrə səbəb olduqda) maddələri ilə ittiham olunur.
Xatırladaq ki, R.Quliyev ittihamları qəbul etmir.