Sənəd 15 yanvar 2020-ci il tarixindən qüvvəyə minir
Rusiya Prezidenti Vladimir Putin hökumətin istefası haqqında fərman imzalayıb.
AYNA “Qafqazinfo”ya istinadən xəbər verir ki, Fərmanda deyilir:
“Rusiya Federasiyasının Konstitusiyasının 83-cü maddəsinin “v” bəndinə və 117-ci maddənin ikinci hissəsinə uyğun olaraq qərar verirəm: Rusiya Federasiyası Hökumətinin istefası elan edilsin”.
Qeyd edilir ki, sənəd imzalandığı gündən - 15 yanvar 2020-ci il tarixindən qüvvəyə minir.
Müvəqqəti olaraq Baş Nazir vəzifəsinin icrası Dmitri Medvedevə tapşırılıb.