Cütlük 2019-2020-ci illərdə təxminən bir il ayrı yaşayıb, lakin sonradan yenidən birləşib
Erməni media orqanları Ermənistan Baş nazirinin həyat yoldaşından ayrılmasının təfərrüatlarını açıqlayıb. AYNA.AZ xəbər verir ki, "Hraparak" qəzetinin məlumatına görə, Baş nazir Nikol Paşinyan və həyat yoldaşı Anna Hakobyanın ayrılmasından cütlük arasında illərdir davam edən gərginlik yaşanıb.
Qəzetin məlumatına görə, cütlük 2019-2020-ci illərdə təxminən bir il ayrı yaşayıb, lakin sonradan yenidən birləşib.
Nəşr iddia edir ki, vəziyyət 2025-ci ilin ortalarında yenidən gərginləşib. “Hraparak” qeyd edir ki, Hakobyanın Çində təhsil almaq planları onun Baş nazirlə münasibətlərindəki böhranla əlaqələndirilir.
Qəzetin məlumatına görə, Hakobyan son üç ay ərzində Göyçə gölü ətrafındakı hökumətin yay iqamətgahında olub.
Xatırladaq ki, 2025-ci ilin yayında Paşinyan Hakobyanla rəsmi olaraq niyə evlənmədiyini izah etmişdi. Bildirmişdi ki, 1990-cı illərdə müxalifətçi kimi həbs olunacağını və əmlakının müsadirə olunacağını gözləyirdi, ona görə də birlikdə aldıqları mənzili Annanın adına qeydiyyata alıb ki, uşaqlarının yaşamaq üçün yeri olsun. Baş nazir qeyd edib ki, ailəsini qorumaq üçün evlənməyib.
Bu il fevralın 17-də Hakobyan Paşinyanla evliliyinə son qoyduğunu elan edib. Fevralın 27-də o Ermənistanın Baş naziri ilə rəsmi olaraq ayrıldığını bildirib.