“Ya münaqişəni təcrid edib diplomatik yol tapılmalıdır, ya da müharibə daha da dərinləşməlidir”
“Bir sıra Qərb ölkələrinin Kiyevin öz silahlarından istifadə etməklə Rusiya ərazisinə mümkün hücumlarına icazə verməsi NATO-nun Ukraynadakı münaqişəyə cəlb olunması ilə bağlıdır”. AYNA xəbər verir ki, bu sözləri Macarıstanın Baş naziri Viktor Orban İtaliyanın “Giornale” nəşrinə müsahibəsində deyib.
Siyasətçi xəbərdarlıq edib: “Əgər biz Ukraynanın Rusiyaya İtaliyanın da verdiyi silahlarla zərbə endirməsinə icazə versək, bu, Rusiyanın sərt reaksiyası şəklində nəticələrə səbəb olacaq və NATO-nun müdaxiləsi riski bir addımlıqda olacaq”.
Baş nazir həmçinin vurğulayıb ki, necə davranmaq sualını vermək lazımdır: “Ya münaqişəni təcrid edib diplomatik yol tapılmalıdır, ya da müharibə daha da dərinləşməlidir”.
Daha əvvəl Orban bildirib ki, Ukraynanın sülh danışıqlarından və münaqişəyə son qoymaqdan imtina etməsi “ölkə üçün ölüm” deməkdir.