641 nəfər Bakı şəhərində yerləşən ilkin-səhiyyə xidməti göstərilən müəssisələrdə qrip əleyhinə peyvənd olunub
Ölkəmizdə oktyabrın 8-dən bu günədək 741 nəfər qrip əleyhinə peyvənd olunub. AYNA.AZ xəbər verir ki, bunu TƏBİB-in Tibbi xidmətlərin inkişafı departamentinin rəhbəri Yaqut Qarayeva 1 nömrəli Şəhər Poliklinikasında media nümayəndələri üçün keçirilən “Açıq qapı” günündə deyib.
O bildirib ki, onlardan 641 nəfəri Bakı şəhərində yerləşən ilkin-səhiyyə xidməti göstərilən müəssisələrdə qrip əleyhinə peyvənd olunub. Peyvənd olunmada ən çox aktivlik müşahidə edilən Sumqayıt şəhəri, Qəbələ, İsmayıllı, Qobustan, Xaçmaz və Ağdaş rayonlarıdır.
Y.Qarayeva əlavə edib ki, peyvənd olunmaq üçün ən çox müraciət edənlər yaşı 60-65-dən yuxarı olan insanlardır.