ABŞ-nin Kolorado ştatının Kaster dairəsinin səlahiyyətliləri bazar ertəsi yerli vaxtla axşam saatlarında 3 nəfərin ölümü və birinin vəziyyətinin ağır olması ilə nəticələnən silahlı insidentdə şübhəli bilinən şəxsin axtarışını elan ediblər.
AYNA xəbər verir ki, bu barədə yerli hakimiyyət orqanlarına istinadən “ABC News” məlumat yayıb.
Kaster dairəsinin hökumətinin İctimai İnformasiya Ofisindən verilən açıqlamaya görə, Roki-Ric-roudda mülklə bağlı mübahisə silahlı insidentə səbəb olmuş ola bilər.
Kaster dairəsinin rəsmiləri Hanme K. Klarkın hadisədə şübhəli olduğunu bildirib.