Təl-Əviv ukraynalı həmkarlarından bir neçə sorğu alıb, lakin onlara məhəl qoymayıb
Ukrayna İranın pilotsuz uçuş aparatlarına (PUA) qarşı mübarizədə İsrailə yardım təklif etsə də, Təl-Əviv bundan imtina edib. AYNA xəbər verir ki, bu barədə N12 telekanalı məlumat yayıb.
Qeyd olunub ki, Ukrayna pilotsuz uçan aparatları tədqiq edə bilən və öz PUA əleyhinə sistemlərini sınaqdan keçirə bilən israilli mütəxəssisləri ölkəyə dəvət etməyi planlaşdırırdı. Öz növbəsində Kiyev bunun müqabilində ən son texnologiyalar alacağını gözləyirdi.
Lakin İsrail bu ideyanı ciddi qəbul etmədi. Təl-Əviv ukraynalı həmkarlarından bir neçə sorğu alıb, lakin onlara məhəl qoymayıb.