Türkiyə XİN İran tərəfindən irəli sürülən iddiaları rədd edib
İranın Ankaradakı səfiri Məhəmməd Ferzamend Türkiyənin Xarici İşlər Nazirliyinə çağırılıb. AYNA “Anadolu” agentliyinə istinadən xəbər verir ki, səfirə Türkiyə Prezidenti Rəcəb Tayyib Ərdoğana yönələn əsaslandırılmamış ittihamlarla bağlı narazılıq ifadə olunub.
Səfirə İranın Xarici İşlər naziri Məhəmməd Cavad Zərifin tvit paylaşımına, sonra isə Türkiyənin Tehrandakı səfiri Derya Örsün İranın Xarici İşlər Nazirliyinə çağırılmasına, Türkiyəyə və Prezident Rəcəb Tayyib Ərdoğana yönələn əsaslandırılmamış iddiaların ortaya atılmasına və beləliklə İranda Türkiyəyə yönəlik nifrət kampaniyasına başlanılmasına narazılıq ifadə edilib.
Bildirilir ki, Türkiyə XİN İran tərəfindən irəli sürülən iddiaları rədd edib. Rəsmi Ankara İranın XİN başçısı Məhəmməd Cavad Zərifin "Twitter" ilə Türkiyəni hədəf seçməsinin qəbul edilməyəcəyini vurğulayıb.
Bundan əlavə, bu yanaşmanın Türkiyə ilə İran arasındakı yaxın münasibətlərə də uyğun olmadığı və münasibətləri pozmaq istəyən dairələrin maraqlarına xidmət etdiyi vurğulanıb.