Polislər avtomobilin arxa pəncərələrini sındıraraq sürücünü xilas ediblər
Rusiyanın Saratov vilayətində avtomobil buzun altında qalıb.
AYNA-nın Oxu.az-a istinadən xəbərinə görə, sürücü idarəetməni itirərək buz bağlamış Tereşka çayı üzərinə çıxıb.
Bu zaman buz aralanıb və avtomobil çaya düşərək buzun altında qalıb.
Qapılar bloklandığı üçün avtomobildən çıxa bilməyən sürücü dərhal zəng edərək polisə xəbər verib və onlar gələnə qədər belinə kimi buzlu suda qalıb.
Hadisə yerinə gələn polislər avtomobilin arxa pəncərələrini sındıraraq onu xilas ediblər.
Bundan sonra həmin şəxsi xidməti avtomobillərinə qoyan polislər ona ilk yardım göstəriblər.
Sürücünün vəziyyətinin yaxşı olduğu bildirilir.