“Ənsar Allah” hərəkatının nümayəndələri hücumların davamlı olacağını bəyan ediblər
Husilər ABŞ Hərbi Dəniz Qüvvələrinin “USS Gravely” esminesinə gəmi əleyhinə raketlərlə hücum edib. AYNA xəbər verir ki, bu barədə “Reuters”ə istinadən bildirir.
“Ənsar Allah” hərəkatının nümayəndələri bəyanatla çıxış edərək deyiblər ki, oxşar hücumlar xarici müdaxilə cəhdlərinə qarşı ölkənin özünümüdafiəsi üçün davam edəcək.
Eyni zamanda, dünən gecə ABŞ Mərkəzi Komandanlığı Yəməndən atılan gəmi əleyhinə raketin Qırmızı dənizdə vurulduğunu, lakin hər hansı tələfatın qeydə alınmadığını açıqlayıb.