Polis əməliyyat-axtarış tədbirləri keçirib
Nəsimi rayonunda oğurluqla məşğul olan şəxs tutulub. Daxili İşlər Nazirliyinin (DİN) Mətbuat Xidmətindən AYNA-ya bildirilib.
Məlumatda qeyd olunub ki, iyunun 10-da Nəsimi rayonu ərazisindəki mağazaların birindən 1899 manat dəyərində fotoaparat oğurlamaqda şübhəli bilinən Bakı şəhər sakini, əvvəllər məhkum olunmuş N.Qasımov rayon polis idarəsinin 22-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində yaxalanıb. Faktla bağlı araşdırma aparılır.