““Tramp marşrutu”nun həyata keçirilməsi ilə bağlı danışıqlar planlaşdırılır”
Ermənistan yaxın gələcəkdə Amerika tərəfi ilə “Beynəlxalq Sülh və Rifah naminə Tramp marşrutu” layihəsinin [Avropanı Cənubi Qafqazdan keçməklə Mərkəzi Asiya ilə birləşdirən Zəngəzur dəhlizinin bir hissəsi olan TRIPP] həyata keçirilməsinə dair danışıqlar aparmağı planlaşdırır.
AYNA.AZ erməni mediasına istinadən bildirir ki, bu barədə Ermənistan Xarici İşlər Nazirliyinin mətbuat katibi Ani Badalyan deyib.
“Yaxın gələcəkdə Amerika tərəfi ilə danışıqlar, o cümlədən “Tramp marşrutu”nun həyata keçirilməsi ilə bağlı danışıqlar planlaşdırılır”, - qeyd edib.
Nazirlik rəsmisinin sözlərinə görə, “amerikalı tərəfdaşların İrəvana səfəri və aparılan müzakirələr barədə məlumat vaxtında veriləcək”.