Daha bir ölkə fövqəladə vəziyyəti ləğv edib

Fövqəladə vəziyyət rejiminin ləğvi lehinə 155 deputat səs verib

Serbiya parlamenti ölkədə koronavirus pandemiyası səbəbindən tətbiq edilən fövqəladə vəziyyət rejimini ləğv edən qərar qəbul edib.

AYNA “RİA Novosti”yə istinadən xəbər verir ki, martın 15-dən tətbiq edilən fövqəladə vəziyyət rejiminin ləğvi lehinə 155 deputat səs verib. Ölkədə, həmçinin, komendant saatı da ləğv ediləcək.

Qeyd edək ki, Serbiyada koronavirusdan 203 nəfər ölüb, 9,8 min nəfər isə infeksiyaya yoluxub.