“Bu, İkinci Dünya Müharibəsindən bu yana dünya üçün ən böyük problemdir”
“Koronavirus epidemiyası İkinci Dünya Müharibəsindən bəri dünya üçün ən böyük problemdir. Covid-19 dünyanın, demək olar ki, bütün ölkələrində meydana çıxmaqla yanaşı, dünyanı sosial-iqtisadi tənəzzülə aparmaqdadır”.
AYNA xarici mediaya istinadən xəbər verir ki, bu barədə BMT Baş katibi Antonio Quterres bəyanat yayıb. ABŞ-ın Con Hopkins Universitetinin son hesabatını diqqətə çatdıran Qutteres deyib ki, dünyada artıq koronavirusa yoluxanaların sayı 860 minə çatır, 42 min nəfərdən çox insan dünyasını dəyişib.
Qeyd edək ki, təkcə ABŞ-da ölənlərin sayı 4000 dən çoxdur. Ölkədə yoluxma sayı 200 min nəfərə yaxınlaşır.
Yeri gəlmişkən, BMT-nin Cenevrədki Baş Qərargahının 9 əməkdaşı da koronavirusa yoluxub.