Rayon ərazisində 2 nəfərin xəsarət alması ilə nəticələnən yol qəzaları baş verib
Biləsuvar rayonunda xəsarətlə nəticələnən iki yol qəzası baş verib. AYNA-nın “Report”a istinadən məlumatına görə, hadisələrdən biri rayonun Səmədabad kəndi ərazisində qeydə alınıb. Belə ki, “Mercedes” markalı minik avtomobilinin aşması nəticəsində sürücü, 1967-ci il təvəllüdlü Asif Qasımov müxtəlif bədən xəsarətləri alıb.
Daha bir qəza isə Biləsuvar şəhəri ərazisində qeydə alınıb. Motosiklet “Niva” markalı minik avtomobilinə çırpılıb. Nəticədə motosikletin sürücüsü, 1993-cü il təvəllüdlü Orxan Abışov xəsarət alıb.
Hər iki yaralı rayon xəstəxanasına aparılıb.