Bakının bəzi ərazilərində internetlə bağlı problem yaşanıb
“Bakı Telefon Rabitəsi” MMC-nin (Baktelecom) tabeliyindəki 2 saylı Rabitə xidmətləri mərkəzi ATS 561-də baş verən qısa qapanma səbəbindən internet şəbəkəsini ötürən avadanlıqların işində çətinlik yaşanır.
MMC-dən AYNA-ya verilən məlumata görə, nəticədə bəzi “Baktelecom” abunəçilərinin internet xidməti ilə təminatında fasilələr yaranıb.
Hazırda texniki heyət tərəfindən baş verən çətinliyin aradan qaldırılması istiqamətində profilaktik tədbirlər həyata keçirilir.