Ehtimal odur ki, qoxu gölə axıdılan kanalizasiya suları səbəbindən yayılıb
Dünən axşam saatlarından etibarən Bakının bəzi ərazilərində kəskin üfunət qoxusu yayılıb. AYNA-nın “Baku” TV-yə istinadən xəbərinə görə, müəyyən olunub ki, həmin qoxunun mənbəyi Böyük Şor gölüdür.
İlkin ehtimal odur ki, qoxu gölə axıdılan kanalizasiya suları səbəbindən yayılıb. Digər ehtimal isə odur ki, üfunət iyi “Sobsan” boya fabrikində yanğın baş verdikdən sonra yayılmağa başlayıb.
Hazırda gölün ətrafında kəskin, dözülməz qoxu var. Bakı şəhərinin Nərimanov və Binəqədi rayonlarında ətrafa kəskin iy-qoxunun yayılması ilə bağlı Ekologiya və Təbii Sərvətlər Nazirliyinin (ETSN) mütəxəssisləri tərəfindən araşdırma aparılır.