Həyətlərin yaşıllaşdırılması və bəzədilməsi işlərində fəal olmağa çağırış edilib
Bakı Şəhər İcra Hakimiyyətləri tərəfindən paytaxtın rayonlarında küçə və prospektlər boyunca yerləşən yaşayış binalarının eyvanlarında müxtəlif güllərlə bəzədilmiş dibçəklər yerləşdirilir. Bu barədə AYNA-ya Bakı Şəhər İcra Hakimiyyətindən məlumat verilib.
Bildirilib ki, paytaxt meriyası və rayon icra hakimiyyətləri sakinlərə müraciət edərək bina və həyətlərin yaşıllaşdırılması və bəzədilməsi işlərində fəal olmağa, paytaxtımızın gözəlliyinə öz töhfəsini verməyə çağırır.
Hər bir sakin eyvanlarında qoyulan dibçəklərdəki güllərə qulluq edib, onlara mütəmadi olaraq su verərsə güllər daha yaxşı inkişaf edərək əraziyə gözəllik verəcəkdir.
Artıq Bakı Şəhər Yaşıllaşdırma Təsərrüfatı Birliyi və kommunal qurumlar tərəfindən gül dibçəklərinin binalara paylanmasına başlanılıb.