Ağstafa rayonunda yol-nəqliyyat hadisəsi baş verib, xəsarət alanlar var.
AYNA-nın "Report"a istinadən məlumatına görə, hadisə rayonun Qıraq Kəsəmən kəndində qeydə alınıb.
"Mercedes" markalı avtomobilin idarəetmədən çıxaraq aşması nəticəsində, 2005-ci il təvəllüdlü Jalə Əhmədli, 2005-ci il təvəllüdlü Aqşin Əhmədli və avtomobillin sürücüsü, 2004-cü il təvəllüdlü Həsən Əhmədli xəsarət alıblar.
Zərərçəkənlər Ağstafa Mərkəzi Rayon Xəstəxanasına aparılıb, vəziyyətləri kafi qiymətləndirilir.
Faktla bağlı araşdırma aparılır.