Pentaqon bölgəyə təxminən 2000 paraşütçünün yerləşdirilməsini əmr edib
ABŞ Müdafiə Nazirliyi (Pentaqon) Yaxın Şərqə təxminən 2000 paraşütçünün yerləşdirilməsini əmr edib. AYNA.AZ xəbər verir ki, bu barədə “The New York Times” qəzeti məlumat yayıb.
Qəzetin məlumatına görə, elit 82-ci Hava-Desant Diviziyasının "təcili reaksiya qüvvəsi"nin üzvləri Yaxın Şərqə yerləşdiriləcək. Paraşütçülər "İrana yaxın" yerdə yerləşdiriləcəklər.
Ötən həftə “Fox News” “USS Boxer” amfibiya hücum gəmisi və 11-ci Dəniz Ekspedisiya Bölməsinin rəhbərlik etdiyi təxminən 4500 dənizçi və dəniz piyadasından ibarət amfibiya hücum qrupunun Yaxın Şərqə yola düşdüyü məlumatını yayıb.