Sanksiya siyahısına Husi hərəkatının dörd rəsmisi daxil edilib
ABŞ və Böyük Britaniya Yəməndəki Husi üsyançı hərəkatının dörd liderinə sanksiya tətbiq edib. AYNA xəbər verir ki, bu barədə ABŞ Maliyyə Nazirliyinin saytında yerləşdirilən məlumatda deyilir.
“ABŞ Maliyyə Nazirliyinin Xarici Aktivlərə Nəzarət İdarəsi (OFAC) kommersiya gəmiçiliyinə qarşı terror hücumlarını dəstəklədikləri üçün Husi hərəkatının əsas rəsmilərinə sanksiya tətbiq edib”, - deyə məlumatda bildirilir.
Siyahıya Məhəmməd əl-Atifi, Məhəmməd Fadl Əbd əl-Nabi, Məhəmməd Əli əl-Qadiri və Məhəmməd Əhməd əl-Talibi daxil edilib.