Mərkəzi Kəşfiyyat İdarəsinin rəhbəri, Qətərin Baş naziri və Mossadın rəhbəri Varşavada müzakirələr aparacaqlar
ABŞ, Qətər və İsrail Fələstinin radikal HƏMAS hərəkatı tərəfindən Qəzza zolağında saxlanılan israilli girovların azad edilməsinə dair yeni sazişi müzakirə etmək üçün Varşavada görüşəcəklər. AYNA xəbər verir ki, “Axios” bu barədə Amerika və İsrail rəsmilərinə istinadən məlumat yayıb.
“ABŞ Mərkəzi Kəşfiyyat İdarəsinin rəhbəri Bill Börns bu gün Qətərin Baş naziri Məhəmməd bin Əbdülrəhman Əl Tani və İsrailin Mossad kəşfiyyat agentliyinin rəhbəri David Barnea ilə Varşavada görüşərək Qəzzada HƏMAS tərəfindən saxlanılan israilli girovların azad edilməsinə dair potensial yeni sazişi müzakirə edəcəklər”, məlumatda vurğulanıb. bəyanatda deyilir.
Portalın məlumatına görə, İsrail rəsmiləri iddia edirlər ki, bu dəfə yeni sazişin şərtlərini razılaşdırmaq daha çətin olacaq. Çünki HƏMAS lideri Yəhya Sinvar atəşkəs əldə etməyə çalışır və danışıqlara hazır deyil.
Bundan əvvəl İsrail hökuməti Barneanın Qətər və Misirlə girovların azad edilməsi ilə bağlı danışıqlarını təsdiqləyib. Aydın olur ki, İsrail tərəfi HƏMAS-a qrup liderlərini təəccübləndirəcək kreativ təklif təqdim etmək niyyətindədir.