Qırıcı təyyarələr məhv edilib
İslam İnqilabı Keşikçiləri Korpusu (SEPAH) ABŞ-ın İordaniyadakı Əl-Əzraq hava bazasına uğurlu zərbələr endirdiyini və ABŞ qırıcı təyyarələrinin məhv edildiyini açıqlayıb. AYNA.AZ bildirir ki, bu barədə "Tasnim" məlumat yayıb.
“SEPAH Aerokosmik Qüvvələri 12 ballistik raketdən istifadə edərək ABŞ-ın F-35, F-15 və F-16 qırıcı təyyarələrinin yerləşdirildiyi yerləri, eləcə də Əl-Əzraq hava bazası və Komandanlıq Mərkəzindəki əsas ABŞ hərbi obyektlərini vuraraq bu obyektləri və çox sayda qırıcı təyyarəni məhv etdi”, – deyə açıqlamada bildirilir.