“Danışıqlarla, dronlarla və Yaxın Şərqlə bağlı bir çox problemimiz var”
Ukrayna Prezidenti Volodimir Zelenski amerikalı həmkarı Donald Trampla görüşmək ehtiyacında israr edir, çünki "bəzi həll olunmamış məsələlər var". AYNA.AZ-ın məlumatına görə, Ukrayna Prezidentinin açıqlaması "Interfax-Ukraine" tərəfindən yayımlanıb.
Zelenski qeyd edib ki, o Rusiya neftinə qarşı ABŞ sanksiyalarının yumşaldılması barədə Trampla danışmayıb. Eyni zamanda, o Trampın bu məsələdə Ukraynanın mövqeyindən xəbərdar olduğunu vurğulayıb.
"Düşünürəm ki, danışıqlarla, dronlarla və Yaxın Şərqlə bağlı bir çox problemimiz var. Məncə, indi Trampla görüşməliyik. Çünki komandalarımız işləyir, amma bəzi həll olunmamış məsələlərimiz var. Komandalarımız görüşümüz üzərində daha çox çalışmalıdırlar", - deyə Zelenski bildirib.