Zaxarova Berbokun Lavrovla bağlı sözlərinə cavab verib

Dünya

01.12.2023 - 15:12

“Təəssüf ki, Berbok əvvəllər salonda Lavrova heyran olmaq istədiyini deməyib”

Rusiya Xarici İşlər Nazirliyinin rəsmi nümayəndəsi Mariya Zaxarova Almaniyanın xarici işlər naziri Annalena Barbokun Rusiya xarici işlər naziri Sergey Lavrovun beynəlxalq forumlarda etdiyi hərəkətlərlə bağlı sözlərinə cavab verib. Bu barədə AYNA rus mediasına istinadən bildirir.

Zaxarova xatırladıb ki, Berbok əvvəllər ATƏT Nazirlər Şurası zamanı Lavrov başqalarını dinləmək üçün deyil, yalnız özü danışanda iclaslara çıxdığını bildirib: “Bir il əvvəl Almaniya Xarici İşlər Nazirliyinin rəhbəri Rusiyaya dəvət göndərilmədiyi üçün Lavrovun görüşdə olmamasından narahat deyildi. Təəssüf ki, Berbok əvvəllər salonda Lavrova heyran olmaq istədiyini deməyib. Onda NATO ölkələri onun kədərini anlayaraq, Rusiya nümayəndə heyətinin beynəlxalq forumlara gəlməsinə mane olmayacaqdılar”, - Zaxarova qeyd edib.

Bundan əvvəl Zaxarova bildirib ki, Qərb ölkələrinin xarici işlər nazirləri ATƏT-in Şimali Makedoniyada keçirilən iclasında daha çox cəfəngiyat danışıblar.

Müəllif: Ayna.az