Koronavirusa yoluxanların sayı artmaqda davam edir
Dünyada koronavirusa yoluxanların sayı son sutka ərzində 771 mindən çox artıb.
AYNA xarici mətbuata istinadən verdiyi məlumata görə, bu barədə Ümumdünya Səhiyyə Təşkilatının gündəlik hesabatında deyilir.
Məlumata əsasən, ötən sutka ərzində 771 527 nəfər yeni koronavirusa yoluxub, 13 696 nəfər isə dünyasını dəyişib. Yoluxanların ümumi sayı 86 749 940, ölənlərin isə 1 890 342 nəfərə çatıb.
Qeyd edək ki, Ümumdünya Səhiyyə Təşkilatının hesabatı yalnız rəsmi göstəricilər əsasında hazırlanır.