Ukraynada Matvienkoya qarşı ittiham irəli sürülüb

Dünya

24.05.2024 - 16:32

Rusiya Federasiya Şurasının sədri iki maddə ilə şübhəli bilinir

Ukrayna Təhlükəsizlik Xidməti (SBU) Rusiya Federasiya Şurasının sədri Valentina Matvienkoya qarşı qiyabi ittiham irəli sürüb. AYNA xəbər verir ki, bu barədə SBU-nun “Telegram” kanalında bildirilib.

Qeyd olunub ki, Matvienkonun ittihamları qanunvericilik sahəsinin Rusiya Federasiyasının işğal etdiyi bölgələrin ərazisinə genişlənməsi və onların inteqrasiyası ilə bağlıdır. Bundan əlavə, İdarə Matvienkonu Ukrayna Silahlı Qüvvələri və cəbhədəki vəziyyət haqqında saxta məlumatlar yaymaqda ittiham edir.

İstintaq bildirib ki, Federasiya Şurasının sədri Ukrayna Cinayət Məcəlləsinin ölkənin ərazi bütövlüyünə qəsd və Rusiya təcavüzünə haqq qazandırmaq kimi iki maddəsi ilə şübhəli bilinir.

Müəllif: Ayna.az