Ekipaj üzvlərindən 10-u Ukrayna vətəndaşıdır
Qara dənizin Türkiyə səmtində, Bartın vilayətinin İnkumu sahillərinə yaxın ərazidə batan “Arvin” quru yük gəmisində olanlardan 10 nəfəri Ukrayna, digər ikisi isə əcnəbi vətəndaşdır.
AYNA xəbər verir ki, bu barədə Ukrayna Xarici İşlər Nazirliyinin mətbuat xidməti məlumat yayıb. XİN-in məlumatında 6 nəfərin xilas edildiyi, iki nəfərin cəsədinin tapıldığı, daha dörd nəfərin axtarışlarının davam etdirildiyi bildirilir.
Ukrayna hadisə yerinə konsulluğun əməkdaşlarını göndərib. İlkin məlumata görə, “Arvin” gəmisinin batmasına əlverişsiz hava şəraiti səbəb olub. Hazırda Qara dənizdə fırtınalı hava hökm sürür.