Donald Tramp: “Döyüşçülər neft üzərində nəzarəti qoruyub saxlamağa çalışırdılar"
“ABŞ daha əvvəl Suriyada İŞİD terror qruplaşması tərəfindən zəbt edilən neft-qaz yataqlarını tamamilə nəzarətə götürüb”.
AYNA “Qafqazinfo”ya istinadən xəbər verir ki, bunu ABŞ prezidenti Donald Tramp deyib. “Döyüşçülər neft üzərində nəzarəti qoruyub saxlamağa çalışırdılar, ancaq onlar indi tamamilə bizim nəzarətimizdədir. Neft bizimdir və onunla istədiyimizi edə bilərik”, - deyə Tramp qeyd edib.
Qeyd edək ki, daha əvvəl ABŞ Dövlət Departamenti Suriyanın şərqindəki neftin amerikalı hərbçilərin nəzarəti altında yerli hökumət tərəfindən emal və istifadə olunduğunu açıqlamışdı.