ABŞ hərbi bazası pilotsuz uçuş aparatları ilə hücuma məruz qalıb
Suriyanın Həsəkə əyalətinin şimal-şərqində yerləşən ABŞ hərbi bazası pilotsuz uçuş aparatları ilə hücuma məruz qalıb. AYNATASS-a istinadən bildirir ki, Əl-Cəbsə neft yatağının yaxınlığında yerləşən ABŞ obyektinə hücuma görə məsuliyyəti İŞİD qruplaşmasının terrorçularına qarşı döyüşən şiə İraq İslam Müqaviməti hərəkatı üzərinə götürüb.
Qeyd edək ki, 2015-ci ildən bəri ABŞ Suriyanın şimal-şərqində 9 hərbi baza yaradıb. Onların ən böyüyü Həsəkənin inzibati mərkəzinin şimalında (Dəməşqdən 620 km məsafədə) Tell-Beydarda yerləşir.