COVID-19 pandemiyasının bitməsi üçün yayın sonunu gözləmək lazımdır
Ötən gün Rusiyada 8 min 946 koronavirusa yoluxma hadisəsi qeydə alınıb. AYNA Rusiya mətbuatına istinadən bildirir ki, bu barədə infeksiyanın yayılmasına nəzarət və izləmə üzrə Əməliyyat Qərargahı məlumat yayıb.
Ölkənin 83 bölgəsində virusun olduğu bildirilir. Paytaxt Moskvada 2 min 560, Moskva vilayətində 831 və Sankt-Peterburqda 374 nəfər yoluxub. Son sutkada 92 nəfər ölüb, 5 min 499 sağalan var. Rusiyada pandemiya başlayandan bu yana yoluxanların ümumi sayı 353 mindən çox olub.
Qeyd edilir ki, yeni yoluxmalar son üç həftədəki minimum rəqəmdir.
Rusiya Elmlər Akademiyasının akademiki Leo Boqueria koronavirus üzərində qələbənin vaxtını açıqlayıb. Onun sözlərinə görə, Rusiyada COVID-19 pandemiyasının bitməsi üçün yayın sonunu gözləmək lazımdır.