Lavrov Oman Sultanlığı rəhbərliyinin sülh səylərini yüksək qiymətləndirib
Rusiya xarici işlər naziri Sergey Lavrov Oman Sultanlığının Xarici İşlər Nazirliyinin rəhbəri Bədr Əl-Busaidi ilə telefon danışığı aparıb. AYNA.AZ rus mediasına istinadən bildirir ki, bu barədə Rusiya Xarici İşlər Nazirliyindən (XİN) bildirilib.
Məlumatda deyilir: "İran və Amerika nümayəndələri arasında Omanın vasitəçiliyi ilə Maskatda keçirilən dolayı danışıqların son mərhələsi kontekstində İran ətrafındakı vəziyyətlə bağlı fikir mübadiləsi aparılıb".
"Silahlı qarşıdurma risklərini aradan qaldırmağa və bölgədə sabitliyi təmin etməyə kömək edəcək qarşılıqlı məqbul razılaşmalar tapmaq məqsədilə danışıqlar prosesinin davam etdirilməsini asanlaşdırmaq zərurəti barədə ortaq fikir ifadə edilib", - deyə vurğulanıb.
Məlumata görə, Lavrov "Oman Sultanlığı rəhbərliyinin sülh səylərini yüksək qiymətləndirib".