Ermənistan Milli Təhlükəsizlik Xidməti hava limanına əsgərlər cəlb edir
Ermənistanın Milli Təhlükəsizlik Xidməti Rusiyadan sərhədçilərin bu obyektdən çıxarılması qərarı ilə əlaqədar Zvartnots hava limanına əlavə əsgərlər cəlb edib. AYNA xəbər verir ki, bu barədə “Sputnik Ermənistan”ın “Telegram” kanalında məlumat yayılıb.
“Ermənistan Milli Təhlükəsizlik Xidməti avqustun 1-də Rusiya sərhədçilərinin geri çəkilməsi ilə əlaqədar Zvartnots hava limanına sərhəd nəzarəti üçün əlavə qüvvələr cəlb edir”, - nəşr yazır.
Xidmət bəyan edib ki, rus hərbçiləri getdikdən sonra hava limanında növbələr yarana bilər.
Bundan əvvəl Rusiya FSB-nin direktoru Aleksandr Bortnikov hava limanında Rusiya sərhəd-keçid məntəqəsinin bağlandığını açıqlamışdı. May ayında hərbi personalın obyektlərin ərazisindən çıxarılması Rusiya Prezidenti Vladimir Putin və Ermənistanın Baş naziri Nikol Paşinyan arasında razılaşdırılıb.