Admiral Draqon: “"Rusiya hərbi maşını" yalnız böyüyəcək və NATO öz imkanlarını inkişaf etdirməklə buna qarşı çıxacaq”
Şimali Atlantika Alyansı (NATO) Rusiyanı "bir nömrəli təhlükə" hesab edir və buna qarşı çıxacaq. AYNA.AZ xəbər verir ki, bu barədə NATO Hərbi Komitəsinin rəhbəri admiral Cüzeppe Kavo Draqon “RBC-Ukraine”ya verdiyi müsahibədə deyib.
Onun sözlərinə görə, “"Rusiya hərbi maşını" yalnız böyüyəcək və NATO öz imkanlarını inkişaf etdirməklə buna qarşı çıxacaq”.
Draqon hesab edir ki, Rusiyadan əlavə, terrorçu qruplar da hərbi blok üçün təhlükə yaradır.
"Rusiya şübhəsiz ki, bir nömrəli təhlükədir. Düşünürəm ki, onlar özləri də bu yaxınlarda bunu təsdiqləyiblər. Buna şübhə yoxdur. Bundan əlavə, qeyri-ənənəvi sahədə yatan terrorçu qrupların təhlükəsi qalmaqdadır, lakin onların fəaliyyəti arta bilər", - Draqon vurğulayıb.