Lerikdə istirahət mərkəzində işçinin meyiti tapılıb
İyulun 9-da saat 18 radələrində Lerik rayonu ərazisində “Relax” istirahət mərkəzində çayçı işləyən, Lənkəran rayonu Təngivan kənd sakini, 1980-ci il təvəllüdlü Sücayev Anar Hüseyn oğlunun meyiti işlədiyi çayxanadan təqribən 20 metr aşağıda axan dağ çayında aşkar olunub.
Lerik Rayon Prokurorluğundan AYNA-ya verilən məlumata görə, qurumun əməkdaşları tərəfindən hadisə yerinə və meyitə baxış keçirilib.
Anar Sücayevin ölüm səbəbinin dəqiqləşdirilməsi məqsədilə məhkəmə-tibb ekspertizası təyin olunub.
Faktla bağlı Lerik Rayon Prokurorluğunda araşdırma aparılır.