Ümumilikdə 32 684 nəfər virusa yoluxub, 27 760 nəfər sağalıb
Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 3-nə olan statistik göstəriciləri açıqlayıb.
AYNA xəbər verir ki, məlumata əsasən hazırda ölkədə 4 456 nəfər aktiv koronavirus xəstəsi var.
Onlardan 259 nəfər reanimasiyada, 62 nəfər isə süni tənəffüs cihazındadır.
Ümumilikdə 32 684 nəfər virusa yoluxub, 27 760 nəfər sağalıb.
Qeyd olunub ki, avqustun 3-də 5 874 test edilib. Yeni yoluxma hallarının müəyyənləşdirilməsi ilə əlaqədar ümumilikdə 744 837 test aparılıb.
Qeyd edək ki, son sutkada 241 koronavirusa yoluxma faktı qeydə alınıb, 6 nəfər dünyasını dəyişib, 647 nəfər sağalıb.