İnanclılar ən az 2 metrlik sosial məsafə saxlamalı, maskadan istifadə etməlidirlər
Qüdsdə yerləşən “Qiyamət kilsəsi” yenidən ibadətə açılıb. AYNA xarici mediaya istinadən bildirir ki, koronavirus səbəbindən 2 ay əvvəl qapılarını bağlayan kilsə bu gündən etibarən fəaliyyətini bərpa edib.
Kilsəyə koronavirus simptomlarını daşımayan şəxslər buraxılır, içəridə eyni anda 50 nəfərin ibadət etməsinə icazə verilir. İnanclılar ən az 2 metrlik sosial məsafə saxlamalı, maskadan istifadə etməlidirlər. Həmçinin kilsənin içərisindəki əşyalara toxunulması da qadağandır.
Qeyd edək ki, “Qiyamət kilsəsi” mart ayının sonlarında COVID-19 səbəbindən bağlanmışdı.