“Bu prinsiplər həm Qəzza zolağının çoxdan əziyyət çəkən xalqına, həm də girovlara və onların ailələrinə dərhal yardım edəcək”
Qətər, ABŞ və Misir şənbə günü İsrail və HƏMAS-ı ABŞ Prezidenti Co Baydenin bir gün əvvəl təklif etdiyi plan əsasında Qəzza zolağında atəşkəs razılaşması əldə etmək üçün addımlar atmağa çağırıb. Bu barədə AYNA xarici mediaya istinadən bildirir.
“Qətər, ABŞ və Misir birgə HƏMAS və İsraili Baydenin 2024-cü il mayın 31-də qeyd etdiyi prinsipləri təcəssüm etdirən razılaşmanı yekunlaşdırmağa çağırır”, – üç ölkənin Qətər Xarici İşlər Nazirliyinin saytında dərc olunan birgə bəyanatda deyilir.
Sənəddə deyilir: “Bu prinsiplər həm Qəzza zolağının çoxdan əziyyət çəkən xalqına, həm də girovlara və onların ailələrinə dərhal yardım edəcək razılaşmada bütün tərəflərin tələblərini birləşdirir”.
Qətər, ABŞ və Misir Baydenin təklifini “daimi atəşkəsin yaradılması və böhranın həlli üçün yol xəritəsi” hesab edir.