İstilik dalğaları dəmir yolu relslərini deformasiyaya uğradıb və asfaltı əridib
Qərbi Avropada həddindən artıq istilik dalğaları dəmir yolu relslərini deformasiyaya uğradıb və asfaltı əridib, qatarların gecikməsinə və ləğvinə, nəqliyyat infrastrukturunun pozulmasına və çay naviqasiyasına məhdudiyyətlər yaradıb. AYNA.AZ xarici mediaya istinadən bildirir ki, bu barədə BMT-nin Avropa İqtisadi Komissiyasının (UNECE) sözçüsü Jan Rodrigez deyib.
O Qərbi Avropanı bürüyən güclü isti dalğasının iqlim risklərini, eləcə də onların nəqliyyat infrastrukturuna təsirlərini və nəticələrini əyani şəkildə nümayiş etdirdiyini bildirib.
"Budur, bir neçə nümunə: bir çox ölkələrdə deformasiyaya uğramış relslər, sərhəd avadanlıqlarının nasazlığı, qatar əməliyyatlarının pozulması və genişləndirilmiş relslərdə kinetik yükü azaltmaq üçün lazım olan sürətin azalması səbəbindən qatarların gecikməsi və ləğvi, kabellərin və siqnalizasiya avadanlıqlarının qırılması, asfaltın əriməsi və deformasiyası, işıqforların nasaz işləməsi, şəhərlərdə tıxaclara səbəb olur”, - deyə o Cenevrədə keçirilən brifinqdə bildirib.
Rodrigez çərşənbə axşamı dərc edilmiş komissiya hesabatına istinad edib. Hesabata görə, 2050-2080-ci illərdə Avropanın dəmir yolu şəbəkəsinin təxminən 90%-i getdikcə daha yüksək temperaturlara məruz qalacaq. Nəqliyyat infrastrukturu ildə 25 dərəcədən yuxarı temperaturda əlavə 10-15 gün, bəzi bölgələrdə isə əlavə 200 günə tab gətirməli olacaq.