Yanvarın 30-da bölgədəki nəqliyyat infrastrukturunun bərpası məsələləri müzakirə ediləcək
Dağlıq Qarabağ üzrə üçtərəfli İşçi Qrupu yanvarın 30-da bölgədəki nəqliyyat infrastrukturunun bərpası məsələlərini müzakirə edəcək. AYNA TASS-a istinadən bildirir ki, bu barədə Rusiyanın Baş nazirinin müavini Aleksey Overçuk deyib.
O, qeyd edib ki, mövzular Azərbaycan, Rusiya prezidentləri və Ermənistanın Baş nazirinin imzaladığı birgə bəyanata uyğun olaraq müəyyənləşdirilir.
“Əvvəlcə nəqliyyat infrastrukturunun inkişafı və bərpası problemlərinə baxacağıq. İlk dəfə görüşürük. Görək, necə olacaq”, - Overçuk əlavə edib.