“Rusiya uduzubsa, onda niyə ABŞ Ukraynanı ATACMS-la təmin edir?”
Rusiya Prezidenti Vladimir Putin amerikalı həmkarı Co Baydeni çay süfrəsinə dəvət edib. AYNA xəbər verir ki, bu barədə “RİA Novosti” məlumat yayıb.
“Rusiya uduzubsa, onda niyə ABŞ Ukraynanı ATACMS-la təmin edir? ATACMS və bütün digər silahları geri alsınlar. Sonra bizə çay içməyə gəlsin”, - Rusiya lideri bildirib.
Qeyd edək ki, bundan əvvəl Rusiyanın Vaşinqtondakı səfiri Anatoli Antonov ATACMS raketlərinin Ukraynaya ötürülməsinin mənfi nəticələri barədə xəbərdarlıq edib. Eyni zamanda o, Ağ Evin ciddi səhvə yol verdiyini açıqlayıb.