“Məqsəd Trampı istismar etmək və onunla dostluq qurmaqdır"
“Narkotik qaçaqmalçılığında iştirak edən Kolumbiya vətəndaşları ABŞ Prezidenti Donald Trampla əlaqələrindən sui-istifadə edərək ABŞ-da yaşayırlar”. AYNA.AZ xəbər verir ki, bu sözləri Kolumbiya Prezidenti Qustavo Petro “Noticias Caracol” televiziya kanalı tərəfindən yayımlanan mətbuat konfransında bildirib.
Dövlət başçısı deyib ki, "Kolumbiyalı ifrat sağçı fəallar Mayamidə yaşayır, narkotik ticarəti ilə məşğul olur, lobbiçiliklə məşğul olurlar və konkret bir məqsədləri var. Bu məqsəd Trampı istismar etmək və onunla dostluq qurmaqdır".
Petro əlavə edib ki, Kolumbiyalı narkotik qaçaqmalçıları Dubay, Roma, Madrid və digər şəhərlərdə də yaşayırlar.